I landskapsparken kan du oppleve småskala landbruk
i eit idyllisk område som fekk kulturlandskapsprisen i 2003. For det
meste er det sau som beiter områdene, men også storfe. Gardane er små,
tradisjonelle vestlandsgardar. Vanleg storleik på drifta i byrjinga av
1900-talet var 3 kyr, 1 ungfe og 7 smale. Sjølv om gardane som er i
drift har blitt litt større, er det framleis småbruk. Med små gardar,
har det vore vanleg med arbeidd utanom garden, som også er situasjonen
i dag. Foreløpig er ikkje området oppdaga av turismen. Dette gjer at
området er autentisk, og eit funn for den uavhengige reisande.
I
utkanten av området ligg Tjorehagen. Dette er eit hageanlegg som mange
har stor glede av å vitja. For mange er starten på sommaren ein tur til
Tjorehagen for å sjå på bløminga til dei meir enn 300 sortane med
rododendrohn. Ein kan lese meir om Tjorehagen på
www.tjorehagen.no. Dersom ein ikkje vel å ta med mat sjølve,
er det mogleg å kjøpe noe å eta her. Tjorehagen vert drevet av ein
stifting. Det er mogleg å vitja parken, og gå til fots til Tjore
Gardsmat. Tjore gardsmat foredlar lokale landbruksprodukt. Om ein
ikkje ynskjer å kjøpe eit mål mat, eller delikatesser med seg heim,
er tunet verdt eit å vitja i seg sjølv.
For dei spreke kan eit godt alternativ til å
oppleve landskapsområdet å parkere ved Tjorehagen, og sykla rundt i
området. Ein rundtur rundt området på sykkel gir deg moglegheten til å
reise sakte, stoppe og sjå, og ikkje minst lukta området. Ein rundtur
vil ta om lag 4 timar, og er vel eigna for barnefamiliar. Sykkelturen
vil gå på stille einvegs vegar, og gir den beste opplevinga av
kulturlandskapet i Nordhordland.
For dei som er interessert i kystkultur, er ein tur
ned i Sæbøvågen eit høgdepunkt på ei vitjing i området. I vågen er det
eit idyllisk naustmiljø. Vågen har ein skitkai, kor skit vart frakta i
båtar og brukt som gjødsle i området. Vågen har også hatt eit verft.
Nyleg er eit kvernhus restaurert i vågen. På varme sommardagar er det
eit folkeliv i vågen, kor mange bruker området som ein
badeplass.
I utkanten av området ligg Bøketunet, som tilbyr
alternativ medisin og kosthaldsråd. Kva Bøketunet holder på med, kan
ein lese meir om på deira nettsida
www.boketunet.com.